22/Feb/2021 06:39:58
புதுக்கோட்ட: புதுக்கோட்டை
மாவட்டம், ஆலங்குடி அருகே திங்கள்கிழமை நடைபெற்ற வடமாடு மஞ்சுவிரட்டில்
மாடுபிடிவீரர்கள் 8 பேர் காயமடைந்தனர்.
ஆலங்குடி அருகேயுள்ள மாங்கோட்டையில் காளியம்மன்
கோயில் திருவிழாவையொட்டி வடமாடு மஞ்சுவிரட்டு நடைபெற்றது. இதில், புதுக்கோட்டை,
சிவகங்கை, திருச்சி, திண்டுக்கல், மதுரை உள்ளிட்ட மாவட்டங்களைச் சேர்ந்த 11
காளைகள் கலந்துகொண்டன. மாடுபிடி வீரர்கள் 9 பேர் ஒரு குழுவாக அனுமதிக்கப்பட்டனர்.
1 குழுவுக்கு அரை மணி நேரம் என போட்டியில் 11 குழுக்களாக வீரர்கள் களம்
இறக்கப்பட்டனர்.
இதில், காளைகள் முட்டியதில்
மாடுபிடி வீரர்கள் 8 பேருக்கு காயம் ஏற்பட்டது. அவர்களுக்கு அங்கு தயார் நிலையில்
இருந்த மருத்துவக்குழுவினர் சிகிச்சை அளித்தனர். காளைகளை அடக்கிய வீரர்களுக்கும்,
அடங்காத காளைகளின் உரிமையாளர்களுக்கு பல்வேறு பரிசுப்பொருள்கள் வழங்கப்பட்டன.
ஆலங்குடி காவல்துணைக்கண்காணிப்பாளர் முத்துராஜா தலைமையிலான போலீஸார் பாதுகாப்பு
பணிகளை மேற்கொண்டனர்.
