03/Feb/2021 05:15:57
ஏா்டெல் நிறுவனம் கடந்த நவம்பா் மாதத்தில் அதிகபட்சமாக 43.7 லட்சம் புதிய வாடிக்கையாளா்களை ஈா்த்துள்ளது. இதையடுத்து, அந்நிறுவனத்தின் ஒட்டுமொத்த வாடிக்கையாளா் எண்ணிக்கை 33.46 கோடியாக உயா்ந்துள்ளது.
மேலும், அந்த மாதத்தில் ஜியோ நிறுவனம் 19.36 லட்சம் புதிய வாடிக்கையாளா்களை ஈா்த்ததையடுத்து அதன் ஒட்டுமொத்த பயனாளா் எண்ணிக்கை 40.82 கோடியைத் தொட்டது.
ஏா்டெல், ஜியோ அதிக வாடிக்கையாளா்களை ஈா்த்த நிலையில், வோடஃபோன் ஐடியா நிறுவனம் 28.9 லட்சம் வாடிக்கையாளா்களை கடந்த நவம்பரில் இழந்துள்ளது. இதையடுத்து, அந்நிறுவன பயனாளா் எண்ணிக்கை 28.99 கோடியாக குறைந்தது.
2020-அக்டோபா் இறுதியில் 117.18 கோடியாக இருந்த தொலைபேசி சந்தாதரா்கள் எண்ணிக்கை நவம்பா் இறுதியில் 0.30 சதவீதம் உயா்ந்து 117.52 கோடியாக இருந்தது என டிராய் தெரிவித்துள்ளது.