03/May/2021 01:19:23
புதுக்கோட்டை, மே 3: புதுக்கோட்டை மாவட்டத்தில் உள்ள 6 சட்டப்பேரவைத் தொகுதிகளில் போட்டியிட்ட திமுக கூட்டணி 5 தொகுதிகளில் வெற்றியை அள்ளியது.
புதுக்கோட்டை மாவட்டத்தில் உள்ள புதுக்கோட்டை, திருமயம், கந்தர்வகோட்டை, விராலிமலை, ஆலங்குடி, அறந்தாங்கி உள்பட 6 தொகுதிகளில் அதிமுகவும் திமுக கூட்டணியில் திமுக 4 தொகுதிகளிலும் காங்கிரஸ், மார்க்சிஸ்ட் கம்யூனிஸ்ட் கட்சி தலா 1 தொகுதிகளிலும், நாம்தமிழர்கட்சி, மக்கள் நீதிமய்யம், தேமுதிக, அமமுக மற்றும் சுயேச்சை வேட்பாளர்கள் உள்பட் 112 வேட்பாளர்களும் களத்தில் நின்றனர்.
தொகுதி வாரியாக தேர்தல் களத்தில் வெற்றி பெற்ற வேட்பாளர்கள் விவரம்:
புதுக்கோட்டையில் திமுக வெற்றி:
புதுக்கோட்டை தொகுதியில் 21 வேட்பாளர்கள் போட்டியிட்டனர். இதில், திமுக வேட்பாளர் டாக்டர் வை.முத்துராஜா 85,802 வாக்குகளு்ம், அதிமுக வேட்பாளர் வி.ஆர். கார்த்திக்தொண்டைமான் 72,801 வாக்குகளும், நாம்தமிழர் கட்சி சசிகுமாா் 11,503 வாக்குகளும், மக்கள் நீதிமய்யம் சா. மூா்த்தி 3948 வாக்குகளும், அமமுக கூட்டணியின் தேமுதிக வேட்பாளர் எம். சுப்பிரமணியன் 1873 வாக்குகளும் பெற்றனர். இதில் திமுக வேட்பாளர் டாக்டர் வை. முத்துராஜா 13,001 வாக்குகள் அதிகம் பெற்று வெற்றி பெற்றார்.
கந்தா்வகோட்டையில் மார்க்சிஸ்ட் கட்சி வெற்றி
இத்தொகுதியில் 14 வேட்பாளா்கள் போட்டியிட்டனர் இதில், மாா்க்சிஸ்ட் கட்சி வேட்பாளா் எம். சின்னதுரை 69,710 வாக்குகளும், அதிமுக வேட்பாளர் எஸ். ஜெயபாரதி 56,989 வாக்குகளும் அமமுக வேட்பாளர் பி. லெனின் 12,840 வாக்குகளும் நாம் தமிழர் கட்சி வேட்பாளர் ப. ரமீலா 12,661 வாக்குகளும் மக்கள் நீதிமய்யம் வேட்பாளர் ஆதிதிராவிடா் 848 வாக்குகளும் பெற்றனர். இதில் மார்க்சிஸ்ட் கட்சியின் வேட்பாளர் எம். சின்னதுரை 12,721 வாக்குகள் அதிகம் பெற்று வெற்றி பெற்றார்.
விராலிமலையில் அதிமுக வெற்றி:
இத்தொகுதியில் மொத்தம் 22 வேட்பாளா்கள் போட்டியிட்டனர்.இதில், அதிமுக வேட்பாளா் சி. விஜயபாஸ்கா் 1, 02, 179 வாக்குகளும், திமுக வேட்பாளர் எம். பழனியப்பன்78,581 வாக்குகளும் , நாம் தமிழர் கட்சி வேட்பாளர் பி. அழகுமீனாள் 7035 வாக்குகளும் அமமுக வேட்பாளர் ஓ. காா்த்திக் பிரபாகரன் 1228 வாக்குகளும் மக்கள் நீதி மய்யம் வேட்பாளர் ரா. சரவணன் 559 வாக்குகளும் பெற்றனர். இதில் அதிமுக வேட்பாளர் சி. விஜயபாஸ்கர் 23,598 வாக்குகள் அதிகம் பெற்று வெற்றி பெற்றார்.
திருமயத்தில் திமுக வெற்றி:
இத்தொதகுதியில் மொத்தம் 22 வேட்பாளர்கள் போட்டியிட்டனர், இதில், திமுக வேட்பாளர் எஸ். ரகுபதி 71,349 வாக்குகளும், அதிமுக வேட்பாளர் பி.கே. வைரமுத்து 69,997 வாக்குகளும் நாம் தமிழர் கட்சி உ. சிவராமன் 11,060 வாக்குகளும் அமமுக வேட்பாளர் சு. முனியராஜு 1503 வாக்குகளும், மக்கள் நீதிமய்யம் வேட்பாளர் ரா. திருமேனி 1356 வாக்குகளும், முத்தரையர் சங்க வேட்பாளர் கே. செல்வகுமார் 15,144 வாக்குகளும், சுயேச்சை வேட்பாளர் சி. அழகுசுப்பையா 403 வாக்குகளும் பெற்றனர். இதில் திமுக வேட்பாளர் எஸ். ரகுபதி 1382 வாக்குகள் அதிகம் பெற்று வெற்றி பெற்றார்.
ஆலங்குடியில் திமுக வெற்றி:
இத்தொகுதியில் மொத்தம் 11 வேட்பாளர்கள் போட்டியிட்டனர். இதில், திமுக வேட்பாளர் சிவ.வீ. மெய்யநாதன் 87,935 வாக்குகளும் அதிமுக வேட்பாளா் தா்ம தங்கவேல் 62,088 வாக்குகளும், நாம்தமிழர் கட்சி வேட்பாளர் சி. திருச்செல்வம் 15,477 வாக்குகளும், அமமுக வேட்பாளர் பி. விடங்கா் 2924 வாக்குகளும் மக்கள் நீதிமய்யம் வேட்பாளர் நா. வைரவன் 1230 வாக்குகளும் பெற்றனர் . இதில் திமுக வேட்பாளர் சிவ. வீ. மெய்யநாதன் 25,847 வாக்குகள் அதிகம்பெற்று வெற்றி பெற்றார்.
அறந்தாங்கியில் காங்கிரஸ் கட்சி வெற்றி:
இத்தொகுதியில் மொத்தம் 22 வேட்பாளர்கள் போட்டியிட்டனர். இதில், திமுக கூட்டணியில் போட்டியிட்ட காங்கிரஸ் கட்சி வேட்பாளர் எஸ்.டி. ராமச்சந்திரன் 81,835 வாக்குகளும், அதிமுக வேட்பாளர் மு. ராஜநாயகம் 50,942 வாக்குகளும், நாம் தமிழர் கட்சி வேட்பாளர் எம்.ஐ. ஹுமாயூன் கபீா் 18,460 வாக்குகளும், மக்கள் நீதிமய்யம் வேட்பாளர் பு. ஷேக்முகமது 966 வாக்குகளும், அமமுக வேட்பாளர் க. சிவசண்முகம் 4699 வாக்குகளும் பெற்றனர். இதில் காங்கிரஸ் வேட்பாளர் எஸ்.டி. ராமச்சந்திரன்30,893 வாக்குகள் பெற்று வெற்றி பெற்றார்.
