22/Nov/2020 12:58:36
ஈரோடு: ஈரோடு ரவுண்ட் டேபிள் இந்தியா அமைப்பின் வார விழா இந்தியா முழுவதும் கொண்டாடப்படுகிறது. ஈரோடு ஸ்பைஸ் ரவுண்ட் டேபிள் சார்பாக மாவட்டத்தின் பல்வேறு நலத் திட்டங்கள் வழங்கப்படவுள்ளது. ரவுண்ட் டேபிள் இந்தியா அமைப்பு சமூக சேவையை மட்டும் குறிக்கோளாகக் கொண்டது.
இதில் 18 வயது முதல் 40 வயது வரை உள்ளனர். இந்த அமைப்பின் சார்பில் இந்தியா முழுவதும் பல்வேறு நலத்திட்டங்களை செயல்படுத்தி வருகிறது இந்தியா முழுவதும் 3 ஆயிரத்து 41 பள்ளிகளில் ரூ .317 கோடி மதிப்பீட்டில் 7,141 வகுப்பறைகள் கட்டப்பட்டுள்ளது 2.80 லட்சம் குழந்தைகள் பயன் பெற்றுள்ளனர். எனவே 7 நாட்கள் இடைவிடாத சமூக சேவை திட்டங்கள் நவம்பர் 21 முதல் 28 வரை ஒவ்வொரு நாளும் ஒரு குறிப்பிட்ட காரணத்திற்காக அர்ப்பணிக்கப்படும். இந்த வாரத்தில் இஎஸ்ஆர்டி-211 சார்பில் பின்வரும் நடவடிக்கைகளை மேற்கொள்ளும்.
ஆதரவற்றோர் இல்லத்துக்கு வாட்டர் ஹீட்டர் மற்றும் நன்கொடை, ஈரோடு ரத்த வங்கியில் ரத்ததான முகாம் பர்கூர் வனத்தில் விலங்கு பார்வையாளர்கள் மற்றும் வன காவலர்களுக்கு பாதுகாப்பு காலணிகளை வழங்குதல், பெருந்துறை காது கேளாதோர் மற்றும் வாய்பேசாதோர் பள்ளியில் மாணவர்களுக்கான வரைதல் போட்டி, ஈரோடு மாநகராட்சி மற்றும் ஈரோடு மாவட்ட காவல்துறைக்கு துப்புரவாளர்கள் நன்கொடையாக வழங்குதல் ஆகிய நிகழ்வுகள் நடைபெறும் என ஈரோடு ஸ்பைஸ் ரவுண்ட் டேபிள் அமைப்பு தகவல் தெரிவித்துள்ளது.
