24/Nov/2020 12:04:49
புதுதில்லி: உலகின் சிறந்த 100 நகரங்கள் பட்டியலில் 62-ஆவது இடத்தை தலைநகர் தில்லி பிடித்துள்ளது.
உலகெங்கிலும் உள்ள சிறந்த நகரங்களை தரவரிசைப்படுத்த அந்த இடங்களின் தரம், நற்பெயர் மற்றும் மிகவும் திறமையானவர்கள், சுற்றுலாப் பயணிகள், வணிகத் தலைவர்கள் ஆகியோரின் கருத்துகள் உள்ளிட்டவை அடிப்படையாகக் கொள்ளப்படுகின்றன. டெல்லி 62-வது இடத்தை பிடித்துள்ள செய்தியை, டெல்லி துணை முதல்வர் மணிஷ் சிசோடியா தனது டுவிட்டர் பக்கத்தில் தெரிவித்துள்ளார்.
இதை முதல்வர் அரவிந்த் கேஜ்ரிவால், மறு டுவீட் செய்து வெளியிட்டுள்ள பதிவில், டெல்லி மக்கள் அனைவருக்கும் இது நல்ல செய்தி. கடந்த 6 ஆண்டுகளில் டெல்லி மக்களின் கடின உழைப்பால் இது சாத்தியமாகி உள்ளது. டெல்லியில் ஏற்படும் ஆக்கப்பூர்வமான மாற்றங்களை உலகம் கவனிக்கிறது என்றார்.
உலகின் 100 சிறந்த நகரங்கள் பட்டியலில் முதல் 10 இடங்களை லண்டன், நியூயார்க், பாரிஸ், மாஸ்கோ, டோக்கியோ, துபாய், சிங்கப்பூர், பார்சிலோனா, லாஸ் ஏஞ்சல்ஸ், மாட்ரிட் ஆகிய நகரங்கள் பிடித்துள்ளன என்பது குறிப்பிடத்தக்கது.
