சிவகங்கை எம்பி கார்த்தி ப.சிதம்பரம் முன்னிலையில் காங்கிரஸ் கட்சியில் இணைந்த மாற்றுக்கட்சியினர்

04/Jul/2021 10:53:56

திருமயம், ஜூலை:  சிவகங்கை மக்களவை தொகுதி உறுப்பினர்  கார்த்தி ப.சிதம்பரம் முன்னிலையில் காங்கிரஸ் கட்சியில் மாற்றுக்கட்சியினர் 20 பேர் இணைந்தனர்.

சிவகங்கை மக்களவை தொகுதி உறுப்பினர்  கார்த்தி ப. சிதம்பரம்  முன்னிலையில் திருமயம் சட்டமன்றத்தொகுதி கீழாநிலைக்கோட்டையில் நடைபெற்ற நிகழ்வில் மேல்நிலைப்பட்டி பழனியப்பன்  தலைமையில் 20 பேர் காங்கிரஸ் கட்சியில் இணைந்தனர். அனைவருக்கும் சால்வை அணிவிக்கப்பட்டது.

இந்நிகழ்வில்,  காரைக்குடி சட்டமன்ற உறுப்பினர் எஸ் மாங்குடி,புதுக்கோட்டை தெற்கு மாவட்ட காங்கிரஸ் தலைவர் முன்னாள் எம்எல்ஏ-ராம சுப்புராம், வட்டார காங்கிரஸ்தலைவர்கள் கே. வீரப்பன்,  ஆர். அர்ஜுணன், பொதுக்குழு உறுப்பினர் எம்.கே. முகமது இப்ராகிம், திருமயம் ஒன்றியக்குழு உறுப்பினர் கணேஷ்சுப்புராம் உள்பட காங்கிரஸ் கட்சியினர் திரளாகக் கலந்து கொண்டனர்.