01/Apr/2021 11:32:28
புதுக்கோட்டை, மார்ச்: திருமயம் சட்டமன்ற தொகுதிகுள்பட்ட திருமயம் ஒன்றியம் மற்றும் அரிமளம் பேரூராட்சிப் பகுதியைச் சேர்ந்த 51 கிராமங்களில் அதிமுக வேட்பாளர் பி.கே. வைரமுத்து வியாழக்கிழமை பிரசாரம் செய்து வாக்கு சேகரித்தார்.
திருமயம் தொகுதி அதிமுக வேட்பாளராக பி.கே. வைரமுத்து போட்டியிடுகிறார். அனைத்துத் தரப்பு மக்களின் நன்மதிப்பைப் பெற்றுள்ள இவர் தொகுதி முழுவதும் சூறாவளி சுற்றுப் பயணம் செய்து தீவிர வாக்கு சேகரிப்பில் ஈடுபட்டு வருகிறார்.
திருமயம் தொகுதிக்குள்பட்ட பொன்னமராவதி, அரிமளம், திருமயம் ஆகிய ஒன்றியங்களில் உள்ள 100 -க்கும் மேற்பட்ட ஊராட்சிகளைச் சேர்ந்த 400 -க்கும் மேற்பட்ட கிராமங்களில் தீவிர பிரசாரத்தில் ஈடுபட்டு வருகிறார்.
இந்நிலையில், திருமயம் ஒன்றியத்தில் விராச்சிலை வேளார் தெருவில் காலை 7 மணிய ளவில் அதிமுக வேட்பாளர் பி.கே. வைரமுத்து பிரசாரத்தைத் தொடங்கி கிராம மக்களிடம் வாக்கு சேகரித்து பேசியதாவது: உங்கள் ஆதரவால் சட்டமன்ற உறுப்பினர் ஆனவுடன் கிடைக்கும் அரசு ஊதியத்தை ஏழை பெண்கள் திருமணத்திற்கு முதியவர்களின் மருத்துவ செலவுக்கும், மாணவர்களின் கல்விக்காகவும் செலவழிப்பேன்.
திமுக ஆட்சி காலத்தில் பொதுமக்களுக்கு பொங்கல் பண்டிகைக்கு ஒரு ரூபாய் கூட வழங்கியதில்லை. ஆனால் அதிமுக அரசு கடந்த பொங்கல் பண்டிகைக்காக ஒரு ரேஷன் கார்டுக்குரூ.2500 வழங்கியது மேலும் பெண்களுக்கு அம்மா இருசக்கர வாகனம், தாலிக்கு தங்கம் போன்ற எண்ணற்ற நலத்திட்டங்கள் வழங்கியது.
அதே போல, தற்போது நடைபெறும் தேர்தலுக்காக அதிமுக அறிக்கையில் கூறப்பட்டுள்ள வீட்டுக்கு ஒரு வாஷிங் மெஷின், சோலார் அடுப்பு ஆண்டுக்கு ஆறு சிலிண்டர் உள்ளிட்டவை நலத்திட்டங்கள் அனைத்தும் மக்களுக்கு கிடைக்க வேண்டும். அதற்கு அதிமுக அரசு மீண்டும் அமையும் வகையில் இரட்டை இலைச் சின்னத்துக்கு வாக்களித்து வெற்றி பெறச்செய்ய வேண்டும் என்றார்.
தொடர்ந்து, விராச்சிலை ஆதிதிராவிடர் காலனி, மாதாகோவில் தெரு, மேட்டுத்தெரு, யாதவதெரு, மேலவயல், பிராவயவ், குறவர் தெரு, வீராணம்பட்டி, மேனாம்பட்டி, பிராமணம்பட்டி, வெள்ளிப்பட்டி, ஓடையப்பட்டி, நெய்க்கோணம் உள்பட 25 கிராமங்களிலும்.
அரிமளம் பேரூராட்சிக்குள்பட்ட ஓணாங்குடி, சீகம்பட்டி, மரமடக்கி, சத்திரம், அரிமளம் பேரூராட்சிக்குள்பட்ட சுள்ளாம்பட்டி, பள்ளிவாசல், புளியமரம், புதூர் வர்ணக்காரர் தெரு, புதூர் மீனாட்சிபுரம் வீதி, பூசாரி குடியிருப்பு, மயிலாடும்பாறை, ராயவரம் சாலை, காமராஜபுரம் தெற்கு, வடக்கு, அய்யனார்கோவில் வீதி.
பெரியகடைவீதி, வைத்தி தெரு உள்ளிட்ட 26 பகுதிகள் உள்பட 51 கிராமங்களில் ஒரே நாளில் பி.கே. வைரமுத்து சுற்றுப்பயணம் செய்து அதிமுக 10 ஆண்டுகால சாதனைகள், மக்கள் நலத்திட்டங்கள், தேர்தல் வாக்குறுதியிலுள்ள சிறப்பு அம்சங்களை எடுத்துக்கூறி வாக்கு சேகரித்தார். பிரசாரத்தில் அதிமுக நிர்வாகிகள் மற்றும் பாஜக, தமாகா உள்ளிட்ட கூட்டணி கட்சி நிர்வாகிகள் கலந்து கொண்டனர்.
